سمعانين شي انو اجا بيبي ومعه فتحة بالقلب ؟!
اذا اي فخلونا نشوف شو رح يصير بهالطفل!
و هل ثقب القلب عند الاطفال خطير ؟ وكيف يمكن علاجه؟
#الطب_بين_يديك ~ #فتحات_القلب 💜
خلال نمو الجنين بكون في فتحة صغيرة بين الأذينتين اليمنى واليسرى طبعا هي فتحة طبيعة من اجل الدوران الجنيني واسمها الثقبة البيضية ..بتتسكر تلقائيا بعد الولادة بفترة .
احيانا ما بتتسكر هي الثقبة لاسباب جينية وراثية .
بشكل عام لا تسبب الثقبة الدائمة مضاعفات صحية وفي كتيرين ما بيعرفو حتى بوجودها ..
و ممكن تكشتفها بالصدفة اذا عم تعمل ايكو قلب
هلئ في بعض الحالات و عند البلوغ يظهر اثر لهلمشكلة ..
اسم هلحالة "الداء القلبي الخلقي لدى البالغين "
و تبدأ وقتها أعراض معينة بالظهور متل :
■ اختلال نظم القلب
■ازرقاق الجلد والشفتين والاظافر
■صعوبة التنفس
■سرعة تعب عن بذل جهد
■استسقاءات
طبعا هيك اعراض لازم توجهك لاستشارة طبية فورية
بالنسبة للمعالجة فهي بحسب شدة المرض واثر التشوه على وظيفة القلب ..
احيانا بتكفي المتابعة والفحوص الدورية
وفي حالات تانية نلجأ للأدوية او العمليات الجراحية وحتى زراعة القلب !!
هلئ هي كانت لمحة من بحر عيوب القلب الخلقية ..
ولازم نعرف انو في منها عيوب سليمة و ما بدها علاج ..ومنها معقد وخطير ويتطلب عمليات جراحية معقدة .
خبرونا هلئ سمعانين عن هيك حالات وشو كانت اجراءاتن العلاجية ?!
فريق الطب بين يديك
